په جوزجان ولایت کې د مسجد شریف له ودانیزو چارو څارنه وشوه

۱۴۴۷/۰۱/۱۰
جوزجان ولایت کې د کور او ښار جوړولو ریاست محترم رئیس الحاج مولوي عبدالله فیضان وایي، د ریاست اړوند تخنیکي ټیم یې په دغه ولایت کې د یو باب مسجد شریف د جوړولو له چارو څارنه وکړه.
ښاغلی مولوي فیضان وایي، په دې لیدنه کې، د یادې دیني پروژې د عملي کارونو کیفیت، د نقشې تطبیق، او تخنیکي تطبیق څخه څارنه وشوه.
نوموړی وایي، اړوند قراردادي ودانیز شرکت ته یې جدي سپارښتنه وکړه، چې ټولې چارې باید د منظور شوې نقشې، براورد شوو احجامو، تدارکاتي شرطپاڼې او د انجنیرۍ نورمونو له مخې تطبیق شي.
همداراز، د ښار جوړولو ریاست له لورې یو شمېر مهمې تخنیکي مشورې او نظریات د کار د لا ښه والي، مؤثریت او دیني ارزښت ته په کتو ورکړل شول، تر څو پروژه له هر اړخه معیاري، خوندي او د ټولنې د اړتیا وړ وي.
د جوزجان ولایت د کور او ښار جوړولو ریاست وایي، تل ودانیزو پروژو ته جدي پاملرنه کوي او د کیفیتي څار له لارې د ټولنیزو خدمتونو د ښه والي لپاره هڅې کوي.