په بلخ کې د ۵۰۰۰ جریبه ځمکې توپوګرافي سروې ترسره شوه
۱۴۴۷/۱۱/۲۵
د سروې او جي ای ایس ریاست له لوري د بلخ ولایت د حیرتان اړوند د نایب آباد دوهلارې سیمه کې د ۵۰۰۰ جریبه ځمکې موازي توپوګرافي سروې ترسره شوه.
یاده سروې د تفصیلي پلان د ترتیب په موخه ترسره شوې، چې په ترڅ کې یې د ساحې تخنیکي ځانګړتیاوې، ارتفاعات، حدود او نور اړین معلومات راټول او ارزول شوي دي.
د مسؤلینو په وینا، د دغې سروې موخه د منظم ښاري پراختیا، د ځمکو معیاري تنظیم او د راتلونکو انکشافي پروژو لپاره د دقیقو تخنیکي معلوماتو برابرول دي، څو د سیمې د اړتیاوو مطابق معیاري تفصیلي پلان ترتیب شي.
توپوګرافي سروې د ښاري او انکشافي پلانونو د ترتیب اساسي برخه ګڼل کېږي، چې د معیاري زیربناوو، منظمې ښاري پراختیا او د ځمکو د اغېزمن مدیریت لپاره مهم تخنیکي بنسټ برابروي.
