په بامیان ولایت کې د اووه ولسوالیو له ودانیزو پروژو څارنه وشوه
۱۴۴۶/۲/۳
د بامیان ولایت د کور او ښار جوړولو محترم رئیس انجنیر امان الله امان وایي، د ولایت د محترم مقام په غوښتنه د بیلابیلو ادارو د یوه ګډ هئیت په ترڅ کې د دې ریاست تخنیکي ټيم د اووه ولسوالیو له ودانیزو پروژو څارنه وکړه.
ښاغلي امان وایي، د دې ریاست د تخنیکي ټیم لخوا د بیلا بیلو ودانیزو پروژو څارنه وشوه، چې په دې څارنه کې هستوګنیزې خونې، اداري تعمیرونه، احاطوي دیوال، د سړکونو هوار کاري او جغل اچونه او نورې ودانیزې چارې شامل وې چې له چارو یې څارنه وشوه.
ښاغلي امان وویل، هغه پروژې چې چارو کې یې ستونزې وې چارې یې دقیق و څیړل شوې د حل په موخه قراردادي شرکت ته لازمې سپارښتنې وشوې تر څو چارې د شرطپاڼې مطابق او په معیار برابرې تر سره کړي.
د کور او ښار جوړولو وزارت مرکزي او ولایتي ټيمونه د ادارو په غوښتنه له پروژو څارنه کوي، تر څو پروژې په معیار برابرې سرته و رسیږي.
