په ارزګان ولایت کې د دوو مسجدونو ودانیزې چارې و څارل شوې
۱۴۴۷/۲/۲
د ارزوګان ولایت د کور او ښار جوړولو ریاست محترم رئیس ملا روح الله ابو احمد وایي، د دې ریاست اړوند تخنیکي ټيم د هوایي ډګر آمریت اړوند د جوړېدونکي جامع جومات له ودانیزو چارو څارنه وکړه.
ښاغلي ملا ابو احمد وویل، د یاد مسجد شریف د سلب کانکریټ ریزي چارې د ډیزاین مطابق په معیاري ډول ترسره شوې دي.
د نوموړي په خبره، همداراز، د پوهنې ریاست اړوند د بل جامع جومات د پلاستر چارې روانې دي، چې د یادو دواړو پروژو رغنیز کارونه شاوخوا ۸۵ سلنه بشپړ شوي، او پاتې چارې د پلان او تخنیکي نقشیو مطابق دوام لري.
د یادولو وړ ده، یادې پروژې، چې ټولیز ارزښت یې ۵ میلیونه افغانۍ دی، د کور او ښار جوړولو ریاست له لوري تر دوامداره څارنې لاندې دي، او تمه ده چې ډېر ژر به بشپړې او د عامه ګټې لپاره وسپارل شي.
