پروان ولایت کې (۶۳) جریبه دولتي ځمکه تثبیت او کدستري نقشه یې تطبیق شوه
۱۴۴۳/۱۲/۲۴
د پروان ولایت د ښار جوړولو او ځمکو ریاست په یاد ولایت کې (۱۴) جریبه ځمکه چې څو ټوټې ده، تثبیت کړه.
دغه راز د پروان ولایت په مرکز او ولسوالیو کې پر څو ټوټو ځمکو چې په ټوله کې (۶۳) جریبه کېږي کدستري نقشه پلې شوه او شاوخوا (۳۰) دېرش جریبه نوره دولتي ځمکه تشخیص او د په اجارې ورکولو په موخه یې قېمت ګذاري وشوه.
دغه راز د ځمکو د غصب په تور اته (۸) کسان عدلي او قضایي ارګانونو ته وروپېژندل شول.
د ښار جوړولو او ځمکو وزارت د دولتي او شخصي ځمکو د تفکیک او جدا والي، د ښاري پراختیا او دغه راز د ټولګټو پروژو د رامنځته کولو په موخه ځمکې تصفیه کوي او راګرځوي یې.
