ننګرهار ولایت کې د ښارې سرغړونو مخنیوی وشو
۱۱/۱۰/۱۴۴۶
د کور او ښار جوړولو وزارت د ښاري سرغړونو د مخنیوي ریاست محترم رئیس مولوي عبدالمنان حقاني وايي، د ننګرهار ولایت د کور او ښار جوړولو ریاست د محترم رئیس قاري محمد سعید په لارښوونه او همکارۍ یې تخنیکي ټیم په یاد ولایت کې د ښاري تخلفاتو مخنیوی وکړ.
نوموړی وایي، د ننګرهار ولایت د کور او ښار جوړولو ریاست محترم رئیس قاري محمد سعید په همکارۍ یې د جلال ښار په پنځمه او دویمه ناحیه کې د دوه غیرې قانوني استوګنیزو کورونو له جوړېدو مخنیوی وکړ.
د معلوماتو له مخې، د کورونو مالکانو ته لارښوونه وشوه چې، د خپلو کورونو نقشې ویزه کړي او چارې د منل شوې نقشې له مخې پر مخ یوسي.
د کور او ښار جوړولو وزارت هېچاته اجازه نه ورکوي چې، ښاري بې نظمي رامنځته کړي او خپلسري کارونه وکړي
