ننګرهار ولايت کې له ۳۰۰ زره جريبه څخه زياته دولتي ځمکه سروې او ثبت شوه
ښار جوړولو او ځمکو وزارت په ننګرهار ولايت کې ۳۶۳۳۸۹ جريبه دولتي ځمکه او د دولت تر استفادې لاندې عامه ملکيتونه سروې او ثبت کړل.
له دې ډلې څخه په ۱۲۳ قطعو کې ۳۴۹۰۱۴ جريبه سپينه ځمکه ده او په ۹۸ قطعو کې ۱۴۳۷۵ جريبه دولتي املاک دي چې د ننګرهار ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۲۹۲ قطعو کې ۴ ميلیونه ۵۶۹ زره او ۱۰۲ جريبه ځمکه او دولتي املاک سروې، نقشه او ثبت کړي دي.
