له بګرام تر جبل السراج پورې د عمومي سړک د ترمیم له چارو څارنه وشوه
۱۴۴۵/۷/۲۷
د پروان ولایت د کور او ښار جوړولو محترم رئیس انجنیر نعمت الله حنیف وايي، د ریاست اړوند تخنیکي ټیم یې له بګرام تر جبل السراج ولسوالۍ پورې د غځېدلي عمومي سړک د ترمیم له چارو څارنه وکړه.
ښاغلی حنیف وایي، د دې پروژې چارې شاو خوا ۹۵ سلنه بشپړې شوې، چې په ځینو برخو کې یې نیمګړتیاوې موجودې وې او قراردادي شرکت ته یې په اړه لازمې سپارښتنې وشوې.
نوموړی وایي، د نیمګړتیاو په له منځه وړلو سره به د یاد سړک رغنیزې چارې په ښه کیفیت ترسره شي.د یاد سړک چارې د ټولګټو چارو وزارت په مالي لګښت د خصوصي شرکت لخوا پر مخ وړل کیږي، چې د نظارت چارې یې د پروان ولایت د کور او ښار جوړولو ریاست کوي.
