سرپل ولایت کې غیر پلانې ودې او پراختیا ستونزې رامنځته کړي، چې د حل لپاره یې اقدام وشو
۱۴۴۶/۰۱/۱۶
سرپل ولایت کې د کور او ښار جوړولو ریاست محترم رئیس مولوي محمد نور نوراني وایي، د دغه ولایت د محترمې ښاروالۍ سره په ګډه یې له خلکو سره مشورتي ناسته وکړه.
ښاغلی مولوي محمد نور نوراني وایي، په ناسته کې یې ګدونوالو ته وویل، په دغه ښار کې غیر پلانې او خپل سرې وده او پراختیا لامل شوې، چې غیر متوازن پرمختګ رامنځته شي، ګڼه ګوڼه زیاته شي، د ښاري ترافیکو ځنډ او بندښت رامنځته شي، چاپېریال ککړ شي، او ګڼ شمېر نورې ستونزې وزېږوي.
نوموړی وایي، خلکو ته یې د ښاري نظم او پراختیا په اړه توصیې وکړې او پوه یې کړل چې ټولې چارې دې د پلان سره سمې پر مخ یوسي.
د کور او ښار جوړولو وزارت په ټولو ښارونو کې هڅې پیل کړي چې وده او پراختیا د پلان مطابق ترسره شي.
