د کور او ښار جوړولو وزارت سرپرست د تفتیش عالي ادارې د قوانینو د برخې د رعایت کولو له مسؤلینو سره وکتل
1444/05/12
د کور او ښار جوړولو وزارت محترم سرپرست وزیر مولوي حمدالله نعماني په خپل کاري دفتر کې د تفتیش عالي ادارې د قوانینو د برخې له مسؤلینو سره وکتل او د دې وزارت د چارو د لا ښه والي په موخه یې خبرې وکړې او نظرونه یې شریک کړل.
د تفتیش عالي ادارې د قوانینو د برخې مسؤلینو د کور او ښار جوړولو وزارت له هر اړخیزې همکارۍ مننه وکړه او زیاته کړه چې د کور او ښار جوړولو وزارت د دوی استعلامونو ته په موقع ځواب ور کړی او لازم امکانات یې ورته برابر کړي دي.
دوی خپلې موندلې ستونزې د محترم سر پرست وزیر مولوي حمدالله نعماني سره شریکې کړې او په قراردادونو کې د ځینو شته ستونزو او نواقصو چې (1400 )کال کې موجود و، په له منځه وړلو کې یې د همکارۍ غوښتنه وکړه.
د کور او ښار جوړولو محترم سرپرست وزیر مولوي حمدالله نعماني د تفتیش د عالي ادارې د قوانینو د برخې مسؤلینو لخوا د دې وزارت د ځینو برخو د تفتیش څخه مننه وکړه او زیاته کړه یاد وزارت د کارونو د لا ښه والي په موخه، په اداراتو کې د روڼتیا، د بیت المال د حیف میل کیدو د مخنیوي او د قوانینو د ښه رعایت کیدو په موخه د تفتیش د عالي ادارې سره په بشپړه توګه همکاري کوي.
