د ښار جوړولو او ځمکو وزارت ټولو کارکوونکو ته نوې لارښوونې وشوې
۱۴۴۳/۱۰/۱۷
د ښار جوړولو او ځمکو وزارت محترم مالي او اداري مرستیال حافظ محمد امین فاروقي د یاد وزارت په ټولو مرکزي ریاستونو وګرځېد او د هر ریاست له وضعیت یې څارنه وکړه.
ښاغلي حافظ محمد امین فاروقي د هر ریاست کارکوونکو ته نوې او لازمې لارښوونې وکړې او زیاته یې کړه چې حاضري دې پر وخت ورکوي.
دغه راز نوموړي یو شمېر ریاستونو ته سپارښتنه وکړه چې د نوي ۱۴۰۱ کال بودیجې له تصویب او د ښار جوړولو او ځمکو وزارت ته د ځانګړې شوې بودیجې سره سم خپل پلانونه برابر کړي.
ښاغلي مالي او اداري مرستیال له ټولو کارکوونکو ته په جدي توګه سپارښتنه وکړه چې د مراجعینو چارې دې پر وخت ختموي او د نن کار دې سبا ته نه پرېږدي.
د نن ورځې د لیدنو په پای کې هغه د وزارت له جوړېدونکي مسجد څخه هم لیدنه وکړه چې څنګه کېدای شي چارې یې چټکې، اړتیاوې یې پوره او ستونزې حل شي.
