د ښار جوړولو او ځمکو وزارت د قوانینو د تعدیل کمېټې لومړنۍ ناسته وکړه
۱۴۴۳/۱۰/۲۳
د ښار جوړولو او ځمکو وزارت د قوانینو د تعدیل کمېټې لومړنۍ ناسته وکړه چې د دې وزارت پورې اړوند ټول قوانین، مقررې، طرزالعملونه او لایحې به په دقیقه توګه مطالعه کوي او هر هغه ماده چې د اسلام دین سره په ټکر کې وي، تعدیل کړي.
یادې کمېټې په خپله لومړنۍ ناسته کې پر دې بحث وکړ چې د وزارت اړوند قوانین، مقررې او طرزالعملونه به کرښه په کرښه د تخنیکي او حقوقي پلوه څېړي او ټولې هغه نقطې به په ګوته کوي چې د اسلامي شریعت سره په ټکر کې وي.
ټاکل شوې چې یاده کمېټه به په څو لنډو ورځو کې ټول قوانین، مقررې او طرزالعملونه وڅېړي او وروستۍ پایله به له رهبرۍ سره شریکه کړي.
