د ښاري چارو کمیسیون د ښاري نقشو د ویزه کولو په اړه ناسته وکړه
۱۴۴۵/۸/۳
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني په مشرۍ د ښاري نقشو د ویزه کولو کمېسیون ناسته وکړه او پر بېلا بېلو اړوندو موضوعاتو یې خبرې وکړې.
په ناسته کې د کور او ښار جوړولو وزارت د محترم سرپرست وزیر شیخ حمدالله نعماني د حکم پر اساس چې د ښاري چارو کمیسیون ته یې د مسکن د جوړولو د طرزالعمل د لا غني کولو په موخه هدایت کړی و، بحث وشو او نظرونه شریک شول.
په یادې ناسته کې یوې مسلکي کمیټې ته دنده وسپارل شوه، چې د شته طرزالعمل په دقیقه توګه مطالعه کړي، موندنې، کمونې او زیاتونې دې یې په راتلونکې ناسته کې شریکې کړي.
په پای د کور او ښار جوړولو وزارت د ښاري چارو محترم مرستیال وویل، طرزالعمل دې اوسنیو شرایطو ته په کتو غني شي او بیا دې له محترم وزیر صاحب سره شریک شي.
