د پروان ولایت سیاهگرد ولسوالۍ د بازار ساحه سروی او توپوګرافی ترسره شوه
۱۴۴۷/۰۳/۱۰
د کور او ښار جوړولو وزارت د سروی او جي ای ایس ریاست محترم رئیس حافظ انجنیر محمد یوسف لطیف وایي، چې د دې ریاست اړوند تخنیکي ټیم د پروان ولایت د سیاه گرد ولسوالۍ د بازار سیمه په مساحت د ۱۶۳ جریبه ځمکې سروی او توپوګرافی کړې ده.
د نوموړي په وینا، د یادې سروې هدف د تفصیلي پلان ترتیبول دي څو د یادې سیمې د ښاري پراختیا، منظمې ودانیزې پروژې او د خلکو د اړتیاوو برابرولو ته زمینه برابره شي.
د کور او ښار جوړولو وزارت د سروی او جي ای ایس ریاست په مرکز او ولایتونو کې د ښاري پراختیا، ځمکنۍ سروې، نقشه جوړولو او GIS برخو کې مهم فعالیتونه پر مخ وړي.
