د ټولنیز هستوګنې وړاندیز شوی پلان چمتو شوی دی
۱۴۴۳/۰۹/۱۸
د ښار جوړولو او ځمکو وزارت د ټولنیز کور جوړولو طرحه جوړه کړې، چې په دغه طرحه کې دوه خونې، درې خونې او څلور خونې کورونه په پام کې نیول شوي دي.
د ټولنیز کور جوړولو پلان عموما د کرایې په بڼه ده، چې د جګړې وروسته هیواد کې په عمومي توګه د اقتصادي او د هستوګنې ځایونو د بحران له امله وړاندیز شوی.
د ټولنیزې هستوګنې په جوړولو سره، دا ممکنه ده چې کورونه ډير شي او دا به عرضه زیاته کړي او د کور په بازار کې توازن رامنځته کړي او په دې توګه د اقتصاد په پرمختګ کې مرسته کېږي.
په دغه وړاندیز شوې طرحه کې هغه کورونه چې جوړیږي د یوې ځانګړې نېټې پورې به مشخص کسانو ته په کرایه ورکول کېږي.
البته، د يادې طرحې له مخې به دغه کورونه د ښاروالۍ او يا هم د خيريه بنسټونو له خوا جوړېږي.
