د هلمند ولایت د احمدشاهي مېنې د درېیم قسمت د سړکونو د خط اچونې چارې پیل شوې
۱۴۴۸/۱/۱۹
د هلمند ولایت د کور او ښار جوړولو ریاست له لوري د لښکرګاه ښار د احمدشاهي مېنې په درېیمه برخه کې د تفصیلي پلان د تطبیق په موخه د سړکونو د خط اچونې عملي چارې پیل شوې.
یاده سیمه د لښکرګاه ښار د ستراتیژیک پلان برخه ده، چې د امارتي ځمکو د غصب څخه د مخنیوي او بېرته راګرځولو کمېسیون د لارښوونې پر بنسټ یې د غصب څخه د خلاصون او د تفصیلي پلان د عملي کولو چارې روانې دي.
د هلمند ولایت د کور او ښار جوړولو ریاست ته د یادې پروسې په چوکاټ کې د تفصیلي پلان د تطبیق د څارنې، د سړکونو د خط اچونې او نښه ګذارۍ مسئولیت سپارل شوی، چې یادې چارې دا مهال په منظم ډول پر مخ روانې دي.
له یادو چارو تر بشپړېدو وروسته به د نافذه اصولو او قانوني طرزالعملونو له مخې د استوګنیزو نمرو د وېش بهیر هم پيل شي.
