د قطر او نیله باغ هستوګنيزو ښارګوټو د عملي چارو له وضعیت لیدنه وشوه
۱۴۴۶/۲/۱
د کور او ښار جوړولو وزارت د مسکن، ودانيزو چارو او د برنامو د پراختیا مرستیال ښاغلي الحاج محمد اسماعیل فائز د نیله باغ او قطر هستوګنيزو پروژو د عملي چارو له وضعیت لیدنه وکړه.
په دغه لیدنه کې چې د قطر او نیله باغ پروژې مسؤل انجنیر عبدالوهاب صدیقي او د وزارت نورو تخنیکي او مسلکي کار کوونکو یې ملتیا کوله، ښاغلي مرستیال د دواړو ښارګوټو بېلا بېلې برخې له نږدې و کتلې او د یادو پروژو مسؤلینو او انجنیرانو ته یې لازمې لارښوونې وکړې.
ښاغلي فائز زیاته کړه، د دواړو پروژو د پرمختګ کارونه د قناعت وړ دي او مسؤلین یې و هڅول تر څو د یادو پروژو د بشپړېدو چارې لا ګړندۍ کړي.
د کور او ښار جوړولو وزارت د ټولو دولتي او خصوصي پروژو څخه لیدنه کوي، تر څو کارونه یې د نقشې مطابق او په معیار برابرې سرته و رسیږي.
