په میدان وردک کې د سید آباد ولسوالۍ د مسجد شریف له ودانیزو چارو څارنه وشوه
۱۴۴۷/۰۵/۱۵
د میدان وردک ولایت د کور او ښار جوړولو ریاست محترم رئیس مولوي عبدالقیوم سیف العمر وایي، د دې ریاست اړوند تخنیکي ټیم د سید آباد ولسوالۍ د مسجد شریف د ودانیزو چارو څخه څارنه وکړه.
ښاغلي مولوي سیف العمر وویل،، د احاطې دیوال د فلزي پنجرې جوړونه روانه ده، د مسجد د ځینو برخو پلستر چارې په جریان کې دي، د ښځینه مسجد د بام ایزوګام دوه لایه چارې بشپړې شوې او د ښځینه تشناب ایزوګام چارې روانې دي.
د منار د دایروي برخې کاشي نصب چارې روانې دي، د ملا امام د مسجد داخلي دروازې په سر خښت کاری روان دی، د کانکریټ او دیوالونو کیورنګ چارې په ټاکلي وخت ترسره کېږي، او د سپتیک څاه بولډر اچونه بشپړه شوې ده.
د کور او ښار جوړولو وزارت د ټولو ولایتي پروژو د کیفیت او تخنیکي معیارونو د خوندي کولو لپاره د دوامداره څارنې او نظارت پروګرامونه پلي کوي، څو د خلکو لپاره معیاري او خوندي ودانۍ برابرې شي.
