د دهمزنګ څخه تر جوی شېر څلورلارې پورې د سړک تخنیکي وضعیت وڅارل شو
۱۴۴۸/۶/۱۱
د کور او ښار جوړولو وزارت د کیفیت، کنټرول او ښاري سرغړونود مخنیوي عمومي ریاست اړوند د ښاري سرغړونو د مخنیوي ریاست تخنیکي ټیم د کابل ښار د دویمې او درېیمې ناحیې اړوند، له دهمزنګ څخه تر جویشېر څلورلارې پورې د سړک تخنیکي وضعیت وڅاره.
د څارنې پر مهال د سړک عرض، د اسفالټ کیفیت، استنادي دېوالونو ټینګښت، د غره د لمنې خوندیتوب، د اوبو ایستلو سیستم او د ترافیکي خوندیتوب معیارونه وارزول شول.
د دې څارنې موخه د سړکونو د انجنیري معیارونو رعایت، د تګ راتګ د خوندیتوب ډاډ او د احتمالي تخنیکي نیمګړتیاوو پېژندل دي، څو د اړتیا په صورت کې د اصلاح لپاره لازم اقدامات ترسره شي.
