د جمهوریت روغتون له رغنیزو چارو څارنه وشوه
۱۴۴۵/۱۱/۱۱
له هغې ورځې چې د جمهوریت روغتون د ریفورم او بیارغونې چارې پیل شوې، د کور او ښار جوړولو وزارت یې له چارو څارنه کوي.
د کور او ښار جوړولو وزارت د مسکن، ودانیزو چارو او د زونونو د پراختیا محترم مرستیال مولوي روح الله احمدي د یاد روغتون له رغنیزو چارو څارنه وکړه.
له دغې څارنې موخه دا ده، ترڅو رغنیزې چارې چټکې، باکیفیته، او له معیارونو سره سمې پر مخ ولاړې شي.
ښاغلی مولوي روح الله احمدي یاد روغتون ته له نږدې ورغلی او هلته یې د شته وضعیت، ستونزو او ننګونې په اړه له مسؤلینو سره خبرې کړې دي.
د جمهوریت روغتون د هېواد په کچه یو له سترو روغتونونو څخه دی، چې د ریفورم او بیارغونې چارې یې د عامې روغتیا وزارت له لوري د ملي پراختیا شرکت ته وسپارل شوې او د کور او ښار جوړولو وزارت یې له چارو څارنه او پالنه کوي.
تمه ده چې د جمهوریت روغتون به په اساسي بڼه و رغول شي، تر څو د هېوادوالو ستونزو ته رسېدنه وکړي او د ناروغانو ستونزه په کور دننه حل شي.
