دولتي شرکتونه باید پیاوړي شي
۱۴۴۶/۱۰/۲۹
د کور او ښار جوړولو وزارت مالي او اداري محترم مرستیال الحاج محمد ارسلاح خروټی په خپل کاري دفتر کې د افغان کارت شرکت له مسؤلینو سره وکتل.
مالي او اداري محترم مرستیال الحاج محمد ارسلاح خروټي د سرکت مسؤلینو ته ښه راغلاست وویل، زیاته یې کړه، دولتي شرکتونه باید پیاوړي شي، تر څو توکي په ښه کیفیت سره تولید کړي.
په ناسته کې د افغان کارت شرکت مالي رئیس محترم مولوي رحمت الله بهرمند د یاد شرکت په اړه معلومات وړاندې کړل، زیاته یې کړه افغان کارت شرکت د کاغذ، دفتري وسایلو او خوراکي توکو د تولید په برخه کې کار کوي.
د نوموړي په خبره، د دوی شرکت د نورو دولتي ادارو سره د کاغذ په برخه کې قراردادونه لري، غواړي چې د کور او ښار جوړولو وزارت سره هم په دې برخه کې قرارداد وکړي.
د کور او ښار جوړولو وزارت مالي او اداري محترم مرستیال الحاج محمد ارسلاح خروټي زیاته کړه، دولتي شرکتونه باید اسانتیاوې رامنځته کړي او نرخونه مناسب و ټاکي تر څو بازار کنترول شي.
مالي مرستیال محترم خروټي اړوندو ادارو ته لارښوونه وکړه، چې د بازار ترڅنګ د دې شرکت نرخونه دې بررسي کړي وروسته دې د قرارداد فورم جوړ کړي دولتي شرکت ته دې لومړیتوب ور کړل شي.
