خوست ولایت کې د دولتي ادارو لپاره د څو خونو د مهندسي نقشه طرحه او ترتیب شوه
۱۴۴۵/۷/۲۲
د خوست ولایت د کور او ښار جوړولو رئيس محترم مولوي حضرت جمال صلاح وايي، تخنیکي ټیم یې په دغه ولایت کې د دولتي ادارو لپاره د څو خونو د مهندسۍ نقشه طرحه او ډیزاین کړه.
مولوي حضرت جمال صلاح وایي، په خوست ولايت کې د شهيدانو او معلولينو چارو رياست لپاره د دوه اداري خونو د مهندسۍ نقشې، د محبس د امریت دوه خونې او د خوست پر سړک د يعقوبي مسجد شریف د اړتیا وړ ځایونو نقشې ډيزاين او ترتيب شوې.
دغه راز، د خوست ولایت د اداري کمپلکس دننه د مسجد شریف د ځمکې سرحدونه په نښه، سکیچ او کروکي یې ترسره شوه.
یادې نقشې د اړوندو ادارو په غوښتنه په معیاري او اصولي ډول طرحه او ډیزاین شوې، چې د تطبیق په موخه بېرته یادو ادارو ته سپارل کېږي
