باميان کې له ۱۴۰ زره جريبو څخه زياته ځمکه سروې او ثبت شوه
ښار جوړولو او ځمکو وزارت د دولتي ځمکو د بانک برنامې په لړ کې دا ځل په باميان ولايت کې ۱۴۴ زره ۱۲۵ جريبه دولتي ځمکو او د دولت تر استفادې لاندې عامه ملکيتونه سروې او ثبت کړل.
له دې ډلې څخه په ۵۷ قطعو کې ۶۵۴۷۶ جريبه سپينه دولتي ځمکه او په ۱۳۱ قطعو کې ۷۸۶۴۹ جريبه دولتي املاک دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې ۵ ميليونه ۳۹۲ زره او ۷۹۴ جريبه ځمکه او دولتي املاک سروې، نقشه او ثبت کړي دي.
