ارزګان ولایت کې د کډوالو د ښارګوټي په تړاو ناسته وشوه
۱۴۴۶/۵/۲
د ارزګان ولایت د کور او ښار جوړولو ریاست محترم رئیس مولوي روح الله ابو احمد وايي، د ا.ا.ا د عالیقدر امیرالمؤمنین حفظه الله د فرمان پر بنسټ، په دغه ولایت کې بې سرپناه کډوالو ته د ځمکو د وېش په اړه د ولایت له محترم والي سره ناسته وشوه.
په دغه ناسته کې، د کرنې، اوبو لګولو او مالدارۍ محترم ریاست، د کلیو بیارغونې او پراختیا محترم ریاست، د چاپیریال ساتنې محترم ریاست او نورو اړوندو ریاستونو او ادارو استازو ګډون کړی وو، چې د کور او ښار جوړولو ریاست د محترم رئیس لخوا ګډونوالو ته د دې ښارګوټي په تړاو هر اړخیز معلومات ورکړل شول.
د یادولو ده، چې په ارزګان ولایت کې د کډوالو د ښارګوټي توپوګرافي سروې شوې او په لنډ وخت کې به یې ستراتیژیک پلان هم چمتو شي.
