د جوزجان مردیان ولسوالۍ د ارنجي کلینیک د ودانیزو چارو څارنه وشوه
1448/2/1
د جوزجان ولایت د کور او ښار جوړولو ریاست له لوري د مردیان ولسوالۍ د ارنجي کلینیک د ودانۍ د جوړولو له روانو چارو تخنیکي څارنه ترسره شوه.
د جوزجان ولایت د کور او ښار جوړولو ریاست اړوند تخنیکي انجینرانو د یاد کلینیک د ودانیزو چارو بهیر وکوت او د پروژې د تطبیق وضعیت یې وارزاوه.
د څارنې پر مهال څرګنده شوه چې د ودانۍ د سلب کانکریټ اچولو او قالب بندۍ چارې بشپړې شوې دي.
تخنیکي ټيم د پروژې مسؤلینو ته لارښوونه وکړه، چې ټولې ساختماني چارې د منظور شوې نقشې، کاري حجمونو، تدارکاتي شرطپاڼې او انجنیري او معماري معیارونو له مخې په معیاري ډول ترسره کړي.
د کور او ښار جوړولو وزارت اړوند مرکزي او ولایتي ټیمونه د ساختماني پروژو د کیفیت د تضمین او د معیاري تطبیق په موخه خپلو تخنیکي څارنو ته دوام ورکوي.
