په کابل ولایت کې د امارتي مطبعې، صکوکو او ضرابخانې د محوطې د توپوګرافي سروې چارې پیل شوې
۱۴۴۷/۱۲/۲۵
د کور او ښار جوړولو وزارت د سروې او جي ای ایس ریاست تخنیکي او مسلکي ټیم له لوري د کابل ولایت په مرکز کې د امارتي مطبعې، صکوکو او ضرابخانې د محوطې د توپوګرافي سروې چارې پیل شوې.
یاده سروې د دې لپاره ترسره کېږي چې د ساحې کره مساحت تثبیت، جغرافیایي او تخنیکي معلومات راټول او د راتلونکو پراختیایي او ساختماني چارو لپاره لازم بنسټونه برابر شي.
د سروې له بشپړېدو وروسته به د راټولو شویو معلوماتو پر بنسټ د ساحې اړوند تخنیکي پلانونه چمتو او د اړتیاوو او ټاکل شویو معیارونو له مخې به لازمې طرحې او اجراآت ترسره شي.
دغه اقدام د دولتي تاسیساتو د منظمې پراختیا، د ځمکو د دقیقې مدیریت او د معیاري پلان جوړونې په برخه کې مهم ګام بلل کېږي.
