غزني ولایت کې د دوه مسجدونو او یوې بلې پروژې له ودانیزو چارو څارنه وشوه
۱۴۴۷/۴/۲۲
غزني ولایت کې د کور او ښار جوړولو ریاست محترم رئیس مولوي نور ولي بلال متقي وایي، د ریاست اړوند تخنیکي ټیم یې د دغه ولایت د مستوفیت ریاست کې د یو محراب مسجد شریف له چارو څارنه وکړه، چې په ترڅ کې یې قراردادي شرکت ته لازم هدایات ترسره شول.
ښاغلی مولوي بلال متقي وایي، دمګړۍ په ساحه کې د پایو نصبولو لپاره د سیخ تړلو کار دوام درلود.
دغه راز هغه زیاتوي چې یو بل مسجد د غزني ښار په مرکز کې د جوړېدو په حال کې دی چې له چارو یې څارنه وشوه.
نوموړی وایي، د دغه مسجد شریف د دېوالونو پلستر چارې روانې دي او په تړاو یې قراردادي شرکت ته لازمې لارښوونې وشوې.
او درېیمه پروژه دا چې د غزني ولایت د رشیدانو ولسوالۍ اداري تعمیر د جوړېدو له چارو هم څارنه وشوه.
د معلوماتو له مخې، په ساحه کې د سیخ تړلو چارې دوام لري، چې د کیفیت کنترول لپاره د سیخ د ازموینې لارښوونه ورته وشوه.
