په فاریاب کې د سوپرمارکېټ او استوګنیزې ودانۍ د اعمار ۷۵ سلنه کار بشپړ شوی
۱۴۴۷/۰۴/۰۹
د فاریاب ولایت د کور او ښار جوړولو ریاست محترم رئیس الحاج مولوي خال میرزا ذوالفقار وایي، چې د دې ریاست اړوند تخنیکي ټیم د میمنې ښار د ناحیوي مدیریت اړوند د سوداګریز سوپرمارکېټ او استوګنیزې ودانۍ د اعمار له پروژې څخه څارنه وکړه.
ښاغلی مولوي ذوالفقار وویل، د یادې ودانۍ د اعمار چارې شاوخوا ۷۵ سلنه بشپړې شوې دي چې ټول کارونه د نقشې او انجنیري معیارونو مطابق پرمخ تللي دي.
دنوموړي په خبره، د قارادادي شرکت مسؤلینو لازمې لارښوونې وشوې، چې پاتې کارونه هم د نقشې او انجنیري اصولو سره سم په ټاکلي وخت کې بشپړ کړي.
یاده پروژه د میمنې ښار د ناحیوي مدیریت اړوند د ښاروالۍ په همکارۍ پرمخ ځي چې بشپړېدل به یې د سوداګریزو اسانتیاوو ترڅنګ د خلکو د استوګنې اړتیاوې هم پوره کړي.
