د آقچې ولسوالۍ د غلې منډوي د مارکېټ له ودانیزو چاروو څارنه وشوه
۱۴۴۷/۰۳/۱۳
د جوزجان ولایت د کور او ښار جوړولو ریاست محترم رئیس ملا عبدالله فیضان وایي، د دې ریاست اړوند تخنیکي ټيم د آقچې ولسوالۍ د شمال ختیځ اړخ په سیمه کې د غلې منډوي د مارکېټ د اعمار له روانو چارو څخه څارنه وکړه.
ښاغلي ملا فیضان وویل، په یاده پروژه کې د دوکانونو داخلي رنګمالي او د دهلیزونو د کټارو نصبولو چارې روانې وې، چې د انجینرانو له خوا د شرکت مسؤلینو ته سپارښتنه وشوه چې ټول ساختماني کارونه باید د نقشې، د کار د احجامو د براورد، د تدارکاتي شرطنامې او د انجینري او تخنیکي نورمونو سره سم پر مخ یووړل شي.
د نوموړي په خبره،سربېره پر دې، د یادې پروژې د لا اغېزمنتیا او کیفیت د لوړولو په موخه یو لړ مسلکي نظریات هم د څارونکو انجینرانو له لوري وړاندې شول.
د آقچې ولسوالۍ د غلې منډوي مارکېټ د یادې سیمې د سوداګرو او ښاریانو لپاره له مهمو پروژو څخه ګڼل کېږي، چې د مارکېټ جوړېدل به د غلو موادو د منظمې راکړې ورکړې ترڅنګ، د سوداګرو د دوکانونو لپاره معیاري فضا برابره کړي او د سیمې په اقتصادي ودې کې به مهم رول ولوبوي.
