په ننګرهار کې د مسجد شریف له ودانیزو چارو څخه څارنه ترسره شوه
۱۴۴۷/۰۲/۲۹
د ننګرهار ولایت د کور او ښار جوړولو ریاست محترم رئیس حافظ مولوي محمد نبي سعیدي وایي، د دې ریاست اړوند تخنیکي ټیم د ترانسپورت ریاست په انګړ کې د مسجد شریف د اعمار له روانو ساختماني چارو څخه لیدنه او تخنیکي څارنه ترسره کړه.
ښاغلي مولوي سعیدي وویل، د تخنیکي ټیم د معلوماتو له مخې، د پروژې شاوخوا ۹۰ سلنه کارونه بشپړ شوي او چارې د نقشې او مشخصاتو مطابق په معیاري ډول پر مخ روانې دي.
د نوموړي په خبره، د قراردادي شرکت مسؤلینو ته لازمې سپارښتنې وشوې، تر څو ټولې چارې د نقشې مطابق په معیاري ډول تر سره کړي.
د یادولو ده، د کور او ښار جوړولو وزارت د هېواد په کچه د عامه تاسیساتو د ودانولو او معیاري څارنې په برخه کې پراخ فعالیتونه لري، د دې څارنونه موخه دا ده چې د انجینري معیارونو پر بنسټ هېوادوالو ته د هوسا ژوند لپاره اسانتیاوې او معیاري چاپېریال برابر کړي.
