هرات کې د دولتي ادارو د برېښنا لګښت او د سولري سیستم د نصب ساحې د معلومولو سروې ترسره شوه
1447/02/19
د هرات ولایت د کور او ښار جوړولو ریاست محترم رئیس انجنیر عبدالله اکبري وایي، د دې ریاست اړوند تخنیکي ټيم د اداري کمپلکس په اړوند، د برېښنا لګښتونو د ارزونې او د سولري سیستم د نصب لپاره د فایل د ساحې د مشخصولو په موخه تخنیکي سروی ترسره کړه.
ښاغلي انجنیر اکبري وویل، دغه سروې د هریرود مرغاب د حوزې د ریاست د وړاندیز او د ولایت مقام د حکم پر بنسټ، د یو ګډ هیئت له لوري ترسره شوه چې پکې د ولایت مقام، د انرژۍ آمریت، او د بریښنا ریاست استازي شامل وو.
د نوموړي په خبره، د کار لړۍ د ولایت مقام څخه پیل شوه چې دمګړۍ د اقوامو او قبایلو ریاست، د احصائیې ریاست، د اصلاحاتو ادارې ریاست، د اتومي انرژۍ ریاست او د چاپېریال ساتنې ریاست په ودانیو کې د ساحې اندازه کول بشپړ شول.
د یادلو وړده، چې د برېښنا لګښت د کمولو او د پاکې انرژۍ د کارونې د پراختیا لپاره، په دولتي ودانیو کې د سولري سیستم نصب مهم پړاو بلل کېږي.
