د میدان وردک په نرخ ولسوالۍ کې د یو پل له ودانیزو چارو څخه څارنه وشوه
۱۴۴۷/۰۲/۰۶
د میدان ولایت د کور او ښار جوړولو ریاست محترم رئیس مولوي عبدالقیوم سیفالعمر وایي، د دې ریاست د تخنیکي ټیم له لوري د نرخ ولسوالۍ اړوند د یو پل له چارو څخه څارنه وشوه.
ښاغلي مولوي سیف العمر وویل، د راپور له مخې، د پل د وینګ والونو او استنادي دېوال د سنګ کارۍ او انګاف چارې بشپړې شوې دي او په ظاهري لحاظ کومه تخنیکي ستونزه نه تر سترګو کېږي.
د نوموړي په خبره، همدارنګه، قراردادي شرکت ته لارښوونه شوې چې د پروژې په نورو برخو کې د کار سرعت زیات کړي.
د کور او ښار جوړولو وزارت پعه مرکز او ولایتونو کې د پروژو له چارو څارنه کوي، تر څو چارې د نقشې مطابق په معیار برابرې تر سره شي.
