په فراه ولایت کې د راستنېدونکو مهاجرینو لپاره د ځمکې د وېش ملي پروسې پنځمه همغږۍ ناسته ترسره شوه
۱۴۴۶/۱۲/۲۷
د فراه ولایت د کور او ښار جوړولو ریاست په تالار کې د راستنېدونکو مهاجرینو لپاره د ځمکې د وېش ملي پروسې پنځمه همغږۍ ناسته د یاد ریاست رئیس الحاج مولوي نصرالله استقلال په مشرۍ ترسره شوه.
په دې ناسته کې کرنې مالدارۍ او اوبولګولو رئیس، د مهاجرینو او راستنېدونکو چارو آمر، د کلیو پراختیا رئیس، ښاروال، د اوبو رسونې آمر، د سیندیز حوزې رئیس، د چاپېریال ساتنې رئیس او د استخباراتو ریاست استازو په کې ګډون کړی و.
د ناستې تمرکز د راستنېدونکو کورنیو د نوم لیکنې روان بهیر ارزونه وه، پکې د الف فورم ډکولو، د تابعیت اسنادو ارزونې، د سرپرستانو مرکېاو اړوندو اجراتو ارزونه وشوه.
په ناسته کې ګډونوالو د شفافیت، سرعت او مسلکي مدیریت ستاینه وکړه،همداراز، د ناستې په پای کې پرېکړه وشوه چې د همغږۍ د پیاوړتیا لپاره د هرې ادارې استازي به د فورمونو د تثبیت پر مهال فعاله ونډه ولري، ترڅو د مستحقو کسانو حقوق خوندي پاتې شي.
