د هلمند ولایت مهاجرینو ښارګوټي لپاره جوړ شوی تفصیلي پلان ویزه شو

۱۴۴۶/۱۱/۱۴

د کور اوښار جوړولو وزارت محترم سرپرست وزیر الحاج شیخ حمدالله نعماني، په خپل کاري دفتر کې هلمند ولایت لپاره د مهاجرینو د ښارګوټي جوړ شوی پلان ویزه (تائید) کړ.

ښاغلی شیخ حمدالله نعماني ټینګار کوي، چې ټول پلانونه باید د نوي عصر سره سم جوړ شي او د ژوند ټول اړخونه په پام کې ونیول شي.

د هلمند ولایت د مهاجرینو ښارګوټی په واشېر ولسوالۍ شوراب سیمه کې موقعیت لري، چې په نږدې راتلونکي کې به یې ځمکې د یاد ولایت په مهاجرینو ووېشل شي.

یاد ښارګوټی په پنځه (5000) زره جریبه ځمکه کې جوړېږي، چې د استوګنې (4260) نمرې به ولري.

په دغه نمرو کې بیا (1630) یې پنځه بسوه یي دي، (1594) یې لس بسوه یي دي او (1036) نورې یې پنځلس بسوه یي دي.

یاد ښارګوټي د تګ راتګ لارې، کانالیزاسیون، د څښاک اوبه، مساجد، مکاتب، مدرسې، ورکتون، لوبغالی، تفریحي ساحې، ریزرف ساحې، سوداګریز مارکېټونه او داسې نور اړین ځایونه لري.