په امارات ښارګوټي کې د مستردو اپارتمانونو د قسطونو د تادیاتو په اړه خبرې وشوې
۹/۱۱/۱۴۴۶
د کور او ښار جوړولو وزارت د مسکن، ودانیزو چارو او د برنامو پراختیا مرستیال او د اماراتو ښارګوټي د اپارتمانونو د بیرته ترلاسه کولو پلان کمېټې مشر، الحاج محمد اسماعیل فایز، د اماراتو ښارګوټي د اپارتمانونو د بیرته ترلاسه کولو لپاره د قسطونو د تادیې په اړه د د حقوقي اعتبار ورکولو ریاست او د وجهي صندوق له مسؤلینو سره وکتل.
په دې غونډه کې، چې د انسجام املاک و اسکان ریاست مسؤلینو هم ګډون کړی و، دوی د کابل ښار په قصبه کې د اماراتو ښارګوټي اپارتمانونو د پاتې قسطونو د راټولولو په اړه بحث او نظرونه تبادله کړل.
د مسکن، ودانیزو چارو او د برنامو پراختیا مرستیال الحاج محمد اسماعیل فایز وویل، چې د اپارتمانونو مالکینو ته باید خبر ورکړل شي چې د خپلو اپارتمانونو ټولې پاتې قسطونه په راتلونکې یوه نیمه میاشت کې ورکړي، که نه نو، دوی باید اپارتمانونه خالي کړي.
په غونډه کې دا هم وویل شول چې د ملکیت لنډمهاله اسناد به هغو مالکینو ته وویشل شي چې پیسې یې ورکړې دي.
