سمنګان کې د خپل سرو ودانیو له جوړېدو مخنیوی وشو
۱۴۴۶/۸/۲۱
د سمنګان ولایت د کوراوښارجوړولو ریاست محترم رئیس مولوي محمد امین نوري وایي، د دې ریاست اړوند تخنیکي ټيم د خپل سرو ودانیو مخنیوی وکړ.
ښاغلي مولوي نوري وویل، د کابل – بلخ په عمومي سړک د هستوګنیزو کورونو او سوداګریزو مارکیټونو د خپل سرو ودانیو او د سړک حریم ته د نه پاملرنې له کبله یې ودانیزې چارې و ځنډول شوې.
د نوموړي په خبره، د ودانیو مالکینو ته هدایت وشو، تر څو د نقشې د ویزې په موخه د کوراوښارجوړلو ریاست ته مراجعه وکړي.
د کور او ښار جوړولو وزارت له ټولو هېوادوالو غواړي چې، له ښاري تخلفاتو ډډه وکړي او د خپل هېواد په منظمه ابادۍ کې دې له وزارت سره همکار اوسي.
