د کابل ښار اولسمې ناحیې اړوند ګلخانې ښارګوټي ښاري تخلفات په نښه شول
۱۴۴۶/۰۸/۱۱
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي ټیم یې د کابل ولایت په اولسمه ناحیه کې د ګلخانې ښارګوټي له وضعیت څارنه او ارزونه وکړه.
ښاغلی مولوي حقاني وایي، یاد ښارګوټي کې ځینې خپلسرې چارې ترسره شوي چې باید مخنیوی یې وشي.
نوموړی وایي، په دې تړاو یې خلکو ته عامه پوهاوی هم ورکړی او ترې غوښتنه یې کړې چې، له ښاري تخلفاتو ډده وکړي.
د هغه په خبره، ترسره شوي تخلفات دا وو چې، په استوګنیزه ساحه کې یې هټۍ جوړې کړي، په زرغونو ساحو کې استوګنیز کورونه جوړ کړي او د کور او ښار جوړولو وزارت له تفصیلي پلان یې سرغړونه کړې ده.
د کور او ښار جوړولو وزارت له ټولو هېوادوالو غواړي چې، له ښاري تخلفاتو ډډه وکړي او د خپل هېواد په منظمه ابادۍ کې دې له وزارت سره همکار اوسي.
