زابل کې له ښاري تخلفاتو مخنیوی وشو
۱۴۴۶/۰۷/۲۸
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، انجنیرانو یې زابل کې د کور او ښار جوړولو ریاست د محترم رئیس مولوي دادګل مسلم د لارښوونې پر بنسټ د قلات ښار له دوهمې ناحیې څارنه وکړه.
ښاغلی مولوي حقاني وایي، د قلات ښار په دوهمه ناحیه کې د میزانې اډې ته څېرمه ساحې څخه لیدنه شوې، تر څو د ښاري تخلفاتو مخنیوی وشي.
نوموړی وایي، په ياده ساحه کې د (1387) پلان په اساس د اور وژنې امريت، د ښاروالۍ رياست او د اوبو او برېښنا رياست پر ځای د اشخاصو له لوري په تېرو کلونو کې هټۍ او کورونه جوړ شوي دي.
هغه وايي، اړوندو انجنیرانو یې په دې اړه خلکو ته پوهاوی ورکړ چې، یادې ساحې په پلان کې څه دي او دوی خلاف عمل کړی دی.
د کور او ښار جوړولو وزارت له ټولو هېوادوالو غواړي چې، د هر ډول ابادۍ جوړولو په موخه تر اقدام مخکې د پلان څخه ځان خبر کړئ او بیا د پلان مطابق عمل وکړئ.
