کونړ ولایت کې د دوه سوداګریزو مارکېټو جوړولو په موخه اقدامات پیل شول
۱۴۴۶/۰۶/۱۹
د کور او ښار جوړولو وزارت د سروې او جي ای، ایس ریاست محترم رئیس انجنیر قاري محمد یوسف لطیف وایي، د ریاست اړوند تخنیکي او مسلکي ټیم یې کونړ ولایت کې د د یو سوداګریز مارکېټ جوړېدو په موخه (316.6) متر مربع ځمکه توپوګرافي سروې کړه.
ښاغلی انجنیر لطیف وایي، یاد ټیم یې دغه راز د کونړ په اسعد اباد کې د یو بل مارکېټ جوړېدو په موخه هم (2287.6) متر مربع ځمکه توپوګرافي سروې کړه.
نوموړی وایي، د کونړ په مرکز اسعد اباد کې دوه سوداګریز مارکېټونه یو په لس پوړونو او بل هغه یې په پنځه پوړونو کې جوړېږي.
د کور او ښار جوړولو وزارت په پلازمېنه کابل او ولایتونو کې د ټولګټو او سوداګریزو پروژو د پلي کېدا په موخه سروې کوي، براورد کوي، پلان او نقشه جوړوي او څارنه یې هم کوي.
