د کندهار دامان ولسوالۍ کې د استوګنیز ښارګوټي له چارو څارنه وشوه
۱۴۴۶/۰۶/۱۶
کندهار ولایت کې د کور او ښار جوړولو ریاست محترم رئیس مولوي عبدالمتین وایي، د ریاست اړوند تخنیکي او مسلکي ټیم یې د دغه ولایت په دامان ولسوالۍ کې د بې ځایه شوو کورنیو لپاره د استوګنیز ښارګوټي له ودانیزو چارو څارنه وکړه.
ښاغلی مولوي عبدالمتین وایي، دمګړۍ په یاد ښارګوټي کې د سړک جوړولو، پلچکانو، د محافظينو د اطاق پلاستر کول، پايپ غځول، او نورې ودانیزې چارې دوام لري.
نوموړی وایي،په یاد ښارګوټي کې د برمې لپاره د لمریزې هندارې د نصب چوکاټ ډېر لوړ درول شوی و، چې په خبره یې د باد په مهال د لوېدو امکان یې درلود او دوی لارښوونه وکړه، چې پایې یې په مناسب لوړوالي کې نصب شي.
نوموړی زیاتوي، مسؤلو کسانو ته لازمې لارښوونې وشوې، چې د لمریزو هندارو او نورو چارو د ترسره کولو لپاره دې په مشوره چارې پرمخ یوسي.
د کور او ښار جوړولو وزارت هڅې کوي چې د ښارګوټو جوړولو په مهال ټولې برخې معیاري او باکیفیته سرته ورسېږي او په راتلونکي کې د ستونزو د رامنځته کېدو لامل ونه ګرځي
