په پکتیکا ولایت کې د یو سوداګریز مارکیټ له ودانیزو چارو څارنه تر سره شوه
۱۴۴۶/۲/۲۵
د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وایي، د دې ریاست اړوند د ودانیو څخه د څارنې مدیریت تخنیکي ټیم په مرکز ښرنه کې د نوي حوړیدونکي سوداګریز مارکیټ له ودانیزو چارو څارنه وکړه.
ښاغلي مولوي سیف الجهاد وویل، د یادې پروژې په دریم پوړ کې د بیمونو او سلب سیخبندي، قالب بندي او د سلب کانکريټ ریزي د میکسر څخه په استفادې په مکمله توګه پای ته رسیدلي او پاتې چاري یې دوام لري.
نوموړي وویل، چې د دې ریاست د استازي مخکیني سپارښتنې په منظمه توګه په ساحه کې تطبیق شوي او د یادې پروژې کارکوونکو ته لازمې سپارښتنې وشوې تر څو پاتې چارې دنقشې مطابق سرته و رسوي.
د کور او ښار جوړولو وزارت مرکزي او ولایتي ټیمونه د پروژو څخه څارنه کوي، تر څو چارې د نقشې مطابق په مسلکي ډول سرته و رسیږي.
