په فراه ولایت کې د خپلو سرو ودانیو د جوړیدو مخنیوی وشو
۱۴۴۶/۲/۲۲
د فراه ولایت د کور او ښار جوړولو ریاست محترم رئیس مولوي نصرالله استقلال وایي، د دې ریاست د ښاري تلفاتو د مخنیوي ټیم لخوا د ښار په بیلابیلو برخو کې د خپل سرو ودانیو د مخنیوي په موخه څارنه تر سره شوه چې د یو شمیر هغو کورونو د وجوړیدو مخنیوی وشو چې د ښاری پلان خلاف یې ودانیزې چارې روانې وې.
ښاغلي مولوي استقلال وویل، د دې ریاست د ښاري تخلفاتو د مخنیوي د تخنیکي ټیم لخوا د ښار په پنځمه ناحیه کې د هغو کورونو د جوړیدو چارې و ځنډول شوې چې د نقشې خلاف یې ودانیزې چارې روانې کړې وې او د کورونو مالیکنو ته لار ښوونه وشوه تر څو د کور او ښار جوړولو ریاست څخه د پلان مطابق نقشې تر لاسه کړي.
د کور او ښار جوړولو وزارت د ښاري تخلفاتو د مخنیوي مسلکي ټیمونه په مرکز او ولایتونو کې د ښاري پراختیا په موخه له ودانیزو چارو څارنه کوي تر څو چارې د نقشې او پلان مطابق تر سره شي.
