د خاص ارزګان ولسوالۍ لپاره د اړتیا وړ ځایونو ډیزاین ترسره شو
۱۴۴۵/۱۲/۲۶
ارزګان ولایت کې د کور او ښار جوړولو ریاست محترم رئیس مولوي روح الله وایي، د ریاست اړوند تخنیکي او مسلکي ټیم یې د دغه ولایت په خاص ارزګان ولسوالۍ کې د همدې ولسوالۍ لپاره د اړتیا وړ ځایونو ډیزاین او براورد ترسره کړ.
ښاغلی مولوي روح الله وایي، یاده چاره یې د دغه ولایت د محترم مقام په غوښتنه ترسره کړه، چې په کې 118 متره ساتندوی دېوال، یو پخلنځی، د اوبو سیستم شامل دي.
د نوموړي په خبره، یاد تخنیکي ټیم دغه راز د یادې ولسوالۍ د امنیه قومندانۍ لپاره بند خونې، څلور څلور بابه د ساتونکو خونې، ټاورونه او د اوبو سیستم د جوړېدو لپاره چارې ترسره کړې.
د معلوماتو له مخې، په یادو چارو کې معیاري پلانونه، ډیزاینونه او براوردونه جوړ او ترتیب شول.
