دایکندي کې د دوه ښوونځیو رغنیزې چارې دوام لري
ښارجوړولو او ځمکو وزارت د دایکندي ولایت په میرامور ولسوالۍ کې د شهید دستغیب ښوونځي رغنیزې چارې ۳۳ سلنه او د سیاه دره برګر ښوونځي رغنیزې چارې ۱۲ سلنه بشپړې کړې دي.
د شهید دستغیب ښوونځی په ۷۰۰ متر مربع ځمکه کې په دوه پوړونو د ۲۰ میلیونه او ۸۰۰ زره افغانیو په ارزښت او همداراز د سیاه دره برګر ښوونځی په ۷۱۷ متر مربع ځمکه کې په دوه پوړونو د ۲۴ میلیونه او ۸۰۰ زره افغانیو په ارزښت د ښارجوړولو او ځمکو وزارت له پراختیايي بودجې جوړیږي.
ښارجوړولو او ځمکو وزارت په هېواد کې د ټولګټو او ملي پروژو تطبیق ته ژمن دی څو وکولای شي له دې لارې د لرې پرتو سیمو خلکو او ښاریانو په ټولنیز ژوند کې لازمې اسانتیاوې رامنځته کړي.
###
