د تخار ولايت د نمکاب ولسوالۍ اداري کمپلکس ورغول شو
ښار جوړولو او ځمکو وزارت د ثبات تحکيم برنامې له لارې د تخار ولايت د نمکاب ولسوالۍ اداري کمپلکس د رغولو چارې بشپړې کړې او ګټې اخېستنې ته يې سپارلی دی.
دا ودانۍ په ۴۹۰ متر مربع ځمکه کې په درې پوړيز ډول د ښار جوړولو او ځمکو وزارت لهخوا په ۲۴ ميليونه افغانيو ورغول شوه چې ۱۷ کاري خونې، يو د غونډو تالار، يو پخلنځای او ۹ بابه تشنابونه لري.
ښار جوړولو او ځمکو وزارت د ثبات تحکيم برنامې له پيل راهېسې تر اوسه د هېواد په ګڼو ولايتونو کې ۱۲۹ بېلابېلې دولتي اداري ودانۍ رغولي او په دې سره يې د دولتي ادارو د ظرفيت په لوړولو کې اغېزناکه ونډه اخېستې ده.
