کندهار کې د سړکونو غاړې او پلي لارو څخه غیر قانوني چارې لیرې کړل شوې
۱۴۴۷/۰۱/۱۸
کندهار ولایت کې د کور او ښار جوړولو ریاست محترم رئیس مولوي عبدالمتین وایي، د کندهار ولایت د ښار په بېلابېلو سیمو کې د سړکونو په غاړه او پلي لارو کې د غیر قانوني چارو مخنیوی وشو.
ښاغلی مولوي عبدالمتین وایي، د سړکونو په غاړه به په غیر قانوني توګه د تېلو د خرڅلاو زرنج او کراچۍ ولاړې وې، چې ښاري نظم یې خراب کړی و.
نوموړی وایي، دغه اقدامات د کور او ښار جوړولو ریاست، انحصاراتو ریاست، مستوفیت، سټنډرډ ادارې او د امنیه قومنداني له خوا د یو ګډ هیئت په چوکاټ کې تر سره شول.
دغه هیئت د ښار په ګڼ شمېر سیمو، پلي لارو، هټیو، زرنج او نورو نقلیه وسایطو کې د بې اجازې او ناقانونه تېلو د خرڅلاو قضیې وڅېړلې او پرېکنده اقدام یې وکړ.
د هغه په خبره، د قانون له مخې هغه هټۍ چې په خپلسري ډول یې تېل خرڅول، تړل شوي او مهر و موم شول.
همدارنګه ټینګار وشو چې دغه ډول کمپاینونه به دوام ولري او له ښاریانو هم غوښتنه وشوه چې د قانوني عرضهکوونکو څخه تېل واخلي او له ناقانونه پلورونکو سره مرسته ونه کړي.
