کندهار ولایت کې د څو بېلا بېلو پروژو له چارو څارنه او براورد وشو
۱۴۴۶/۰۱/۲۹
کندهار ولایت کې د کور او ښار جوړولو ریاست محترم رئیس مولوي عبدالمتین وایي، تخنیکي ټیم یې د دغه ولایت په پوهنتون کې د نوې پیلېدونکې پروژې د براورد چارې بیل کړې.
ښاغلی مولوي عبدالمتین وایي، مسلکي ټیم یې په همدې موخه ساحه له نږدې وکتله او د سړکونو رغولو په موخه یې د سړکونو اندازه واخیسته.
دغه راز، کندهار کې د کور اوښ ار جوړولو ریاست د سپين بولدک ولسوالۍ او ارغستان ولسوالۍ پر کرښه د سپين بولدک ولسوالۍ په مربوطاتو کې د ماشينګزي په کلي کې د یو باب مسجد شریف د جوړېدو په موخه ساحه له نږدې وکتله او سروې یې ترسره کړه.
د یو بل خبر له مخې، د کور او ښار جوړولو ریاست په کندهار کې د عينو مېنې د ۳۵۰ بستريز روغتون د ICU ساختماني چارو څارنه وکړه.
د مسؤلینو په خبره، د یاد روغتون چارې بشپړې شوي دي، چې ۱۵ د ناروغانو خونې، د سرطبيب خونه، تخنيکي خونه يا ټکنيکل روم، درملتون، او نور اړین ځایونه لري
