کندز کې د وریژو بازار پروژې له چارو څارنه وشوه
۱۴۴۶/۰۶/۰۳
کندز ولایت کې د کور او ښار جوړولو ریاست محترم رئیس مولوي محمد رمضان کلیم وایي، د ریاست اړوند تخنیکي او مسلکي ټیم یې په دغه ولایت کې د وریژو بازار پروژې له چارو څارنه وکړه.
ښاغلی مولوي کلیم وایي، په دغه پروژه کې د کانکرېت اچولو چارې روانې دي چې اوسمهال د دوهمې فرعي کوڅې د کانکرېټ اچولو بهیر دوام درلود.
نوموړی وایي، د یادې پروژې قرارداي شرکت مسؤلینو ته لازمې لارښوونې او سپارښتنې وشوې، چې د یخې هوا په موسم کې څنګه خپلې چارې سرته ورسوي.
د کور او ښار جوړولو وزارت په ټولو ولایتونو کې د هوا حالاتو ته په کتو ودانیزې پروژې څارې او له چارو یې ځان داډمنوي.
