کندز ولایت کې د یوې پروژې دویم برآورد ترسره شو
۱۴۴۶/۰۶/۱۹
کندز ولایت کې د کور او ښار جوړولو ریاست محترم رئیس مولوي محمد رمضان کلیم وایي، د ریاست اړوند تخنیکي ټیم په ملتیا یې دغه ولایت کې د یوې پروژو دویم براورد ترسره کړ.
ښاغلی مولوي کلیم وایي، یاد براودر په دغه ولایت کې د عدلیې محترم ریاست د اداري تعمیر د رنګ او ترمیماتي پروژې و، چې د یاد ریاست په غوښتنه ترسره شو.
نوموړی وایي، د ریاست اړوند انجنیر یې یاد براورد په بشپړه توګه ترسره کړ، او پایله یې د عدلیې محترم ریاست ته وسپارله.
د کور او ښار جوړولو وزارت د ودانیزو پروژو دقیق براوردونه کوي، لګښت یې معلوموي او بیا یې فرمایش ورکوونکې ادارې ته سپاري.
