ښه زیری؛ د پېروزي ښارګوټي پروژه کې عملي چارې پیل شوې
۱۴۴۳/۱۱/۲۲
د کابل ده سبز سیمه کې د پېروزي ښارګوټي په پروژه کې د اوږدمهال لپاره په ارزانه بیه د رهایشي نمرو د وېش لړۍ او په تسلیم شوو نمرو کې عملاً رغنیزې چارې پیل شوې.
دغه راز د یادې پروژې په (A,B,C) فازونو کې عملاً د نمرو د وېش لړۍ پیل شوه.
د ښار جوړولو او ځمکو وزارت هغه پېردونکو ته چې په یاده پروژه کې یې نمرې اخیستې او قسطونه یې ورکړي خبر ورکوي چې، کولی شي په خپلو نمرو کې عملي چارې پیل کړي.
دغه راز هغه شمېر هېوادوال چې تازه غواړي په یاده هستوګنیزه پروژه کې نمرې واخلي، کولی شي په ارزانه بیه د خپلې خوښې نمرې د اوږدمهال قسطونو په ورکولو سره ترلاسه او د یو ښکلي کور خاوند شي.
اوسمهال د پېروزي ښارګوټي کې په پلورل شوو نمرو کې عملاً چارې پیل شوې او ګڼې اسانتیاوې رامنځته شوې دي.
تاسې کولی شئ په پېروزي هستوګنیزه پروژه کې د نمرو ترلاسه کولو په موخه له لاندې شمېرې سره په اړیکه کې شئ.
0730070743
